Соңғы жаңалықтар

Ұлттық қауіпсіздік комитеті «Боратты» ұстады

Ұлттық қауіпсіздік комитеті трансұлттық қылмыстық топты ұстады.

2020 жылдың сәуір-қазан кезеңінде ҚР ҰҚК шетелден ҚР-ға синтетикалық есірткі жеткізуді, сондай-ақ оларды жасауды және «Борат24» интернет-дүкені арқылы сатуды жүзеге асырған трансұлттық қылмыстық топ әрекетінің жолын кесу бойынша ауқымды операция өткізді, – деп жазады NEGE ақпараттық порталы.

«Трансұлттық есірткі құрылымына 34 қатысушы ұсталып, 8 есірткі зертханасы жойылды. Еліміздің ірі мегаполистері – Нұр-Сұлтан, Алматы мен Шымкентке контрабандалық жолмен әкелінген 40 келі психотроптық зат алынды. Алынған есірткінің қара нарықтағы бөлшек құнының болжамды бағасы – 600 миллион теңге (80 мың мөлшерлеме).

Одан басқа, «биткоиндар» сатып алу және оларды шетелге шығару бойынша қаржы операцияларын жүзеге асыру жолымен есірткі сатудан алынған ақшалай қаражатты заңдастыруды ұйымдастырған заңсыз криптоайырбастауыштар әрекетінің жолы кесілді», – делінген хабарламада.

Бұл ретте алынған ақшаны заңдастыру үшін көмекшілер жасаған 6 жылжымалы майнинг ферма анықталды. Есірткі құрылымының көмекшілері 2 жылда (2018 жылғы қаңтар мен 2019 жылғы желтоқсан аралығында) 2,5 миллиард теңгеден аса соманы заңдастырған.

Көрсетілген деректер Қылмыстық Кодекстің 297-бабы 4-тармағы, 264-бабының 2-тармағы, 286-бабының 4-тармағы және 218 бабының 3-тармағы бойынша сотқа дейінгі бірыңғай тергеу реестріне тіркелді.

Қатысты жаңалықтар

«Яндекс» Тинькофф банкін сатып алмақ

azatmedia

Шымкентте қоғамдық көлікте жүру жаңа жүйеге көшеді

azatmedia

76 мың. iPhone 11 Pro Max бағасы рекордтық деңгейде арзандады

azatmedia

Пікір қалдыру