ТВ казакстан
Әлем жаңалықтары Басты жаңалықтар

Анасымен 55 жылдан кейін қауышты

Qazaqstan ұлттық арнасындағы «Қымбат жандар» бағдарламасында анасы мен қызы 55 жылдан кейін қауышты, – деп хабарлайды Azatmedia.kz ақпараттық порталы Tengrinews.kz сайтына сілтеме жасап.

Бақытгүл Айменбетова ана құшағынан айырылып, перзентханада қалған. Кейіннен оны перзентханадан бір отбасы асырап алған. Алайда Бақытгүл 20 жасында туған анасы өзінен бас тартқаны туралы құжатты тауып алады. Оның бір арманы – анасын іздеп табу болған. Табылған құжат арқылы деректер іздеуге кіріскен. 

«Перзентхананың мұрағаты өртеніп кетті. Бізде нақты деректер қалмады. Тек аты-жөні жазылған және тұрып жатқан мекенжайы көрсетілген. Бірақ ол мекенжайда үй болмады», – дейді ол. 

Бағдарлама ұжымы Бақытгүлдің анасын табылғаны туралы қуанышты хабарды жеткізген. Шығыс Қазақстан облысынан Таразға оқуға түсемін деп келген Бақытгүлдің анасы сол жылдары белгісіз біреу зорлап кеткенін айтқан. 

«Осынша уақыт өтсе де, шынымды айтсам, есіме де алғым келмейді», – дейді анасы. 

Осылайша амалсыздан сәбиін тастап кетуге мәжбүр болған. 

«Бірақ іштей қиналып, тілеуін тілеп жүрдім. Бірақ бала бақытты болса екен, жақсы жерден тәрбие алса екен деп ойладым. Қиянат жасаймын деп өзім де ойлаған жоқпын», – дейді Бақытгүл Айменбетованың анасы. 

Қатысты жаңалықтар

Қазақша сөйлейтін орыс азаматы: елді «қазақтандыру» керек

azatmedia

Сәкен Майғазиев: «Ез еркектер, естеріңді жиыңдар!»

azatmedia

Қуат «Найман» 3 жылға бас бостандығынан айрылуы мүмкін

azatmedia

Пікір қалдыру